I kujtojmë me mallë dhe respekt

• Profesorët:
• Profesorin e ndjerë Prof.Ahmet Mumxhiu, njërin nga themeluesit e Gjimnazit Matematikor. Motoja e tij ishte: "Dita e organizuar mirë, shtron rrugën e suksesit. Më shumë punë, më pak gjumë". 
• Profesorin e gjuhes shqipe Ditar Qamili, prof., Shpesh thoshte: "I mire jam te miret, i keq jam per te keqijte" e ne fund te vitit konstatohej qe gjithemone ishte i mire...
• 
  
• Me 28.12.2008 u ndame nga profesori yne i dashur Prof.Dr.Eup Hamiti  themeluesi dhe idoli i shume shokeve tane. Vepra e tij shkencore dhe edukative nuk do te zbehet kurre.
• 
  
• Prof.Dr.Hysen Muhaxhiri, i cili ishte me ne, gjer në Gjeneratën e shtatë.
• Profesorin e ndjerë Prof.Dr.Idriz Berani. Me entuziazmin dhe përkushtimin e tij na bëri të afërt me hapsirën, sferën, parabolën, hiperbolën, vektorët...!
• 
  
• Profesorin e ndjerë Ramiz Musa  njërin nga themeluesit e Gjimnazit Matematikor,  entuziastin dhe   perkrahjen tonë. Kështu e mbajmë mend profesor Ramiz Musën kur na thoshte "Ashtu pra...", dhe na jepte vullnet për qëndresë në zgjidhjen e problemeve.
• Profesorin e nderuar Prof.Selman Bryma, fjalët e të cilit na mbushën përherë "akumulatorët" për dije dhe përballje me "fushat elektromagnetike" të jetës.
• Udhëheqësin e laboratorit Bislim Hamiti, i cili ishte i dashur dhe i respektuar prej të gjithëve.
• Pedagogun tonë të respektuar Sadri Kelmendi, prof. zëri i ëmbël i të cilit, mu si tingujt që nxirrte violina e tij, na ofroi rreth vetes më shumë se një pedagog!
• Nxënësit:
• 
  
Shokun Ilir Ramadani  nga gjenerata e dytë, të cilin na e muarr sëmundja e rëndë.
• Shokun Xhemaledin Osmani  nga gjenerata e dytë, i cili vdiq tragjikisht.
•  
• Shokun Edip Tërziqi  nga gjenerata e katërt, një shok shembullor,vdiq nga një sëmundje e rëndë në Prishtinë, duke lënë gruan Hasimen, mjeke në QKUK Prishtinë, me dy fëmijë.
• Shokun Xhevat Gashi  nga gjenerata e katërt, vdiq nga një sëmundje e rëndë.
• Shokun Naser Veliun  nga gjenerata e katërt.
•  
• Shokun Ejup Terzia nga gjenerata e pestë. Ishte nxënës i dalluar, energjik, plot me fuqi krijuese. Iku shpejt dhe rrufeshëm nga mesi ynë ashtu si edhe jetoi! Do të mbetet përjetë në kujtesë të të gjithë atyre që e njohën! 
•  
• Shokun Salih Salihu nga gjenerata e gjashtë qe na braktisi ne vitin 1991 ne nje aksident trafiku ne Zvicer.
• Shokun Shpend Limani nga gjenerata e gjashtë te cilin na e muarr semundja e pameshirshme ne vitin 1993.
• Shokun Mehë Uka( 1962-1996) nga gjenerata e shtatë, nxënës me vetëdije shumë të ngritur kombëtare dhe për këtë arësye u persekutua nga UDBA që nga bankat shkollore.      E përkujtojmë me pietet ... 
• 
  
• Lavdi u qoftë! 

          Nxënësit e Gjimnazit Matematikor në Prishtinë  Gjen.1-7   (1972-1981)

......................................................................................................................................................